TELETINA: Sve zrelo za psihijatriju

PIŠE ĆIĆO SENJANOVIĆ

Nagrade - srida, 9. 4.

Je li došlo takvo vrime da su se izgubili svi kriteriji i je li se sve ovo prokurbalo? Stvarno ne znan, ali baš me rastužilo kad san vidija kome su dali Nagradu grada. A opet, ne vaja se judima mišat u posal. More bit da sve činidu u najbojoj vjeri.

Samo, ne razumin koji su to kriteriji. Na jednu stranu imate čovika kojemu se klanja cili Svit, a na drugu, osobu koja je skupila 40 godin staža u svojoj struci. I tu struku nit je ča pomakla, nit je iko ikad za nju čuja, nit se ičin istakla.

A jedino po čemu je poznata je to ča je u prelomnin vrimenima urlala i prokazivala one koji nisu imali želuca prominit kabanicu tako brzo ka ona.

I sad tu osobu Split časti...