MODRA PRIČAKoji je otok najškrtiji? Onaj koji ima nogometni teren sa svitlima okrenutima u more da ribari ne moraju palit ferale

U ribarsko misto na jedan naš otok, po kojemu u Split sve druge otoke zovu, samo in numere nadožuntadu (Brač 1, Brač 2….), izgradija se na otvoreno teren za mali balun.

Jušto uz more da se bo‘je friška arja vata, da liti ladnije bude, na zimu da sunce više tepli, a sve je domaći svit sam izgradija o‘pinez iz fonda za škrte, oću reć nerazvijene krajeve, a ovod se misli na škoje.

Ni čistit ne triba jerbo uvik jema rešpira o burina ča sve pomete.

Šaližani, mali teren di moreš i rukomet i košarku igrat, dica o‘skule đinastiku činit, a za potribu jema mista i za fešte, krnjevale, končerte, ribarske večeri i druge monade ka ča su one o‘pulitike.

Vaja spomenit da je to zaozbij jedan puno lipi škoj, štampajedu maje da su repuplika, perfin i žvakalice činu, o drugi...