Fala ti Bože, opet petak. Tako nas radijski novinar Rodoljub Jović već godinan svaku šetemanu podsjeća na ovi lipi dan. Evo, petak je, peškarija puna ka šipak, nima praznega banka, sve balance se gingolajedu. Isprid glavnog ulaza ka i uvik slane srdele iz barila. Krcato svita, puno ribe, veliki šušur. Ovod se prodaje i kupuje, a najvišje - gleda.
Niki samo dojdedu ka na izložbu, vidit kako riba izgleda. Kad je prava ura, sve se zagropa, ne mo‘š ni naprid ni nazad. Jedni oćedu uć, drugi izać, izmišali se judi i ribe. Arja puna lipjive friškine i slakega domaćega govora. U svako naše malo i velo misto, peškarija je susret judi koji žividu od mora i onih drugih, koji bi tili pojist koji lipi bokun.
Ko je prova, zna da ni lako "upecat" ribicu na udicu na tunjicu. A zapr...